Ingjaldshólskirkja er í Ólafsvíkur- og Ingjaldshólsprestakalli í Vesturlandsprófastsdæmi.
Um kirkju á Ingjaldshóli er getið í kirknaskrá Páls biskups Jónssonar frá því um 1200.
Kirkjan var reist 1903 og er fyrsta steinsteypta kirkjan hér á landi. Aðalhvatamaður byggingarinnar var Lárus Skúlason (1844-1925), formaður á Hellissandi. Jón Sveinsson (1852-1936), forsmiður í Reykjavík, teiknaði kirkjuna – hann hafði byggt Miðbæjarskólann í Reykjavík. Yfirsmiður var Albert Jónsson (1865-1942), múr- og steinsmiður í Ólafsvík.
Ingjaldshólskirkja var vígð 11. október 1903 af sr. Sigurði Gunnarssyni (1848-1936), prófasti í Stykkishólmi.
Breytingar voru gerðar á kirkjunni 1914 sem Rögnvaldur Ágúst Ólafsson (1874-1917), arkitekt, hafði veg og vanda af. Þær voru helstar að turn var hækkaður, byggt var söngloft, og hvelfingin gerð bogadregin og panelklædd.
Safnaðarheimili kirkjunnar var tekið í notkun 19. október 1997. Það er grafið inn í hólinn vestan við kirkjuna og tengist henni með göngum.
Altaristafla kirkjunnar er eftirmynd Þórarins B. Þorlákssonar (1867-1924), listmálara, af töflu Dómkirkjunnar í Reykjavík en þá töflu gerði G. T. Wegener (1817-1877).
Í kirkjunni er að finna tvær eldri altaristöflur. Sú eldri mun hafa verið í kirkjunni sem var endurbyggð á Ingjaldshóli 1696 og á henni má sjá tvo engla, sól og tungl. Á hinni töflunni eru guðspjallamennirnir fjórir og fékk kirkjan hana að gjöf frá Peter Nocolai Winge (?), dönskum kaupmanni á Rifi, 1709.
Skírnarfontur er skorinn út af Ríkarði Jónssyni (1888-1977), myndhöggvara og tréskurðarlistamanni. Í eigu kirkjunnar er skírnarskál frá því um 1700.
Í kirkjunni eru tveir steindir gluggar í kór eftir Leif Breiðfjörð og komu þeir í kirkjuna 1982.
Orgel kirkjunnar er íslensk smíð og var vígt 2003. Höfundur þess er Björgvin Tómasson orgelsmiður. Hljóðfærið er sjö radda með einu hljómborði og petalrödd.
Ingjaldshólskirkja á tvær kirkjuklukkur. Önnur er frá 1735 og hin er frá 1743.
Horft inn í kirkju – altaristaflan er eftirmynd af töflu Dómkirkjunnar í Reykjavík
Altaristaflan, bogadreginn kór og steindir gluggar eftir Leif Breiðfjörð
Steindur gluggi í kór eftir Leif Breiðfjörð
Steindur gluggi í kór eftir Leif Breiðfjörð
Skírnarfontur skorinn úr af Ríkarði Jónssyni
Altaristafla sem sýnir guðspjallamennina – frá upphafi 18. aldar
Horft ofan frá sönglofti
Þessi altaristafla mun hafa verið í Ingjaldshólskirkju sem endurbyggð var 1696 en um nákvæman aldur hennar er ekki vitað
Stólsklæði á prédikunarstól er eftir Sigrúnu Jónsdóttur (1921-2001), kirkjulistakonu
Orgel kirkjunnar – sjö radda hljóðfæri með einu hljómborði og petalrödd
Kirkjudyr og byggingarártalið þar fyrir ofan
Fögur kirkjubygging og vel er um hana hugsað
Ingjaldshólskirkja er í Ólafsvíkur- og Ingjaldshólsprestakalli í Vesturlandsprófastsdæmi.
Um kirkju á Ingjaldshóli er getið í kirknaskrá Páls biskups Jónssonar frá því um 1200.
Kirkjan var reist 1903 og er fyrsta steinsteypta kirkjan hér á landi. Aðalhvatamaður byggingarinnar var Lárus Skúlason (1844-1925), formaður á Hellissandi. Jón Sveinsson (1852-1936), forsmiður í Reykjavík, teiknaði kirkjuna – hann hafði byggt Miðbæjarskólann í Reykjavík. Yfirsmiður var Albert Jónsson (1865-1942), múr- og steinsmiður í Ólafsvík.
Ingjaldshólskirkja var vígð 11. október 1903 af sr. Sigurði Gunnarssyni (1848-1936), prófasti í Stykkishólmi.
Breytingar voru gerðar á kirkjunni 1914 sem Rögnvaldur Ágúst Ólafsson (1874-1917), arkitekt, hafði veg og vanda af. Þær voru helstar að turn var hækkaður, byggt var söngloft, og hvelfingin gerð bogadregin og panelklædd.
Safnaðarheimili kirkjunnar var tekið í notkun 19. október 1997. Það er grafið inn í hólinn vestan við kirkjuna og tengist henni með göngum.
Altaristafla kirkjunnar er eftirmynd Þórarins B. Þorlákssonar (1867-1924), listmálara, af töflu Dómkirkjunnar í Reykjavík en þá töflu gerði G. T. Wegener (1817-1877).
Í kirkjunni er að finna tvær eldri altaristöflur. Sú eldri mun hafa verið í kirkjunni sem var endurbyggð á Ingjaldshóli 1696 og á henni má sjá tvo engla, sól og tungl. Á hinni töflunni eru guðspjallamennirnir fjórir og fékk kirkjan hana að gjöf frá Peter Nocolai Winge (?), dönskum kaupmanni á Rifi, 1709.
Skírnarfontur er skorinn út af Ríkarði Jónssyni (1888-1977), myndhöggvara og tréskurðarlistamanni. Í eigu kirkjunnar er skírnarskál frá því um 1700.
Í kirkjunni eru tveir steindir gluggar í kór eftir Leif Breiðfjörð og komu þeir í kirkjuna 1982.
Orgel kirkjunnar er íslensk smíð og var vígt 2003. Höfundur þess er Björgvin Tómasson orgelsmiður. Hljóðfærið er sjö radda með einu hljómborði og petalrödd.
Ingjaldshólskirkja á tvær kirkjuklukkur. Önnur er frá 1735 og hin er frá 1743.
Horft inn í kirkju – altaristaflan er eftirmynd af töflu Dómkirkjunnar í Reykjavík
Altaristaflan, bogadreginn kór og steindir gluggar eftir Leif Breiðfjörð
Steindur gluggi í kór eftir Leif Breiðfjörð
Steindur gluggi í kór eftir Leif Breiðfjörð
Skírnarfontur skorinn úr af Ríkarði Jónssyni
Altaristafla sem sýnir guðspjallamennina – frá upphafi 18. aldar
Horft ofan frá sönglofti
Þessi altaristafla mun hafa verið í Ingjaldshólskirkju sem endurbyggð var 1696 en um nákvæman aldur hennar er ekki vitað
Stólsklæði á prédikunarstól er eftir Sigrúnu Jónsdóttur (1921-2001), kirkjulistakonu
Orgel kirkjunnar – sjö radda hljóðfæri með einu hljómborði og petalrödd
Kirkjudyr og byggingarártalið þar fyrir ofan
Fögur kirkjubygging og vel er um hana hugsað
