Reynistaðarkirkja

Reynistaðarkirkja er í Reynistaðarsókn, Skagafjarðarprestakalli í Húnavatns- og Skagafjarðarprófastsdæmi, Hólaumdæmi.

Talið er að kirkja hafi staðið á Reynistað frá upphafi kristni. Kirkjuna byggði Einar Stefánsson, bóndi og umboðsmaður á Reynisstað, árið 1868 en hún var vígð tveimur árum síðar. Yfirsmiður var Magnús Árnason snikkari (1829–1920). Kirkjan er úr timbri og tilheyrir kynslóð timburkirkna sem hófst um miðja 19. öld.

Kirkjan er vel búin messugripum. Kaleikur og patína eru þýsk smíð frá 1911.

Reynistaðakirkja á hátíðarhökul eftir listakonuna Sigrúnu Jónsdóttur (1921–2001) en litaval hans dregur dám af litum innan kirkju.

Klukkur eru tvær, sú stærri frá 1743 og hin minni frá 1837.

Kirkjan er svo að segja óbreytt frá upphafi nema hvað forkirkja var byggð við hana 1950. Hún er máluð í upprunalegum litum sínum.

 

Horft inn kirkju úr forkirkju – milligerði er skilur að kór og kirkju, sveigður kórbogi málaður í regnbogans litum 

Horft frá altari og út til forkirkju

Altarisdúkur með ísaumuðum krossi og kaleikum er eftir Sigrúnu Pálmadóttur (1895–1979), húsfreyju á Reynistað. Hún saumaði líka rykkilín fyrir kirkjuna og gaf henni 1954. Altarisklæðið er frá 19. öld

Patínudúkur frá 1837 – saumaður sennilega af Elínborgu Pétursdóttur (1805–1996) frá Víðivöllum – silfurþræðir og baldýruð laufblöð

Prédikunarstóll er yfir altari

Á kórgafli eru steindir gluggar eftir Leif Breiðfjörð (f. 1945)

Séð yfir kirkjuna

Söngtafla, sálmatafla, úr brúnlakkaðri furu og er óvíst með aldur hennar

Skírnarsár úr furu, krossmark á loki

Steindur gluggi eftir Leif Breiðfjörð

Steindur gluggi eftir Leif Breiðfjörð

Reipi og reka á kirkjulofti

Reynistaðarkirkja sómir sér vel í sveitinni