Saurbæjarkirkja er í Brautarholtssókn á Kjalarnesi, Reykjavík, í Reynivallaprestakalli, Kjalarnessprófastsdæmi.
Kirkju í Saurbæ á Kjalarnesi er getið í kirknaskrá Páls biskups Jónssonar frá því um 1200.
Saurbæjarsókn var sérstök sókn til ársins 2002 en þá var henni skipt milli Brautarholtssóknar og Reynivallasóknar.
Magnús Ólafsson (1847-1922), trésmiður, teiknaði Saurbæjarkirkju. Hafist var handa við að reisa hana árið 1902. Hún var vígð 1904 og er önnur steinsteypta kirkjan á Íslandi. Kirkjan ber sterkt svipmót af kirkjunni sem þar stóð á undan en sú fauk í ofviðri árið 1902. Hluti af innviðum og munum gömlu kirkjunnar (reist 1856) var nýttur í hina nýju kirkju. Það var kirkjubóndinn Eyjólfur Runólfsson (1847-1930) sem lét byggja kirkjuna.
Kirkjan var friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.
Saurbæjarkirkja tekur um 120 manns í sæti.
Altaristaflan var gefin kirkjunni 1836. Það er mynd af Kristi. Höfundur hennar er ókunnur en til sögunnar hefur verið nefndur Sveinungi Sveinungason (1840-1915). Líklegast er taflan útlend eftirmynd en svipaðar altaristöflur eru í nokkrum kirkjum hér á landi eins og í Garðskirkju í Kelduhverfi, Einarsstaðakirkju og Þóroddsstaðakirkju.
Á altari Saurbæjarkirkju eru veglegir kertastjakar úr kopar sem Sigurður Björnsson (1643 – 1723), lögmaður, og kona hans, Ragnheiður Sigurðardóttir (1648-1727), gáfu kirkjunni 1696.
Kaleikur kirkjunnar ásamt patínu er frá 1697.
Kirkjuklukkur eru tvær, úr kopar, frá árinu 1725.
Heimild: Kirkjur Íslands, 12. bindi, Reykjavík 2008, bls. 275-304.
Allar myndir: Kirkjublaðið.is sé ekki annars getið
Horft frá kirkjudyrum til altaris
Altari Saurbæjarkirkju og prédikunarstóll frá 1856 – hvort tveggja úr gömlu kirkjunni sem fauk 1902
Mynd af Pétri postula á hurðarspjaldi prédikunarstólsins – var áður á eldri prédikunarstól frá 17. öld
Nærmynd af útskornu lespúlti (eða bókastól) ofan á prédikunarstól
Altaristafla Saurbæjarkirkju – ekki er vitað með öruggri vissu hver gerði hana. Stjakarnir á altarinu voru gefnir kirkjunni árið 1696 – þeir eru úr kopar
Kristsmynd á vegg sunnan altaris – var áður á prédikunarstól kirkjunnar
Orgel (harmóníum) kirkjunnar er gott hljóðfæri, þýskt og frá M. Hörügel
Sálmatafla, söngtafla, númeratafla Saurbæjarkirkju – frá 1857
Altarisklæði kirkjunnar kom í gömlu kirkjuna 1887 – altarisdúkur gerður af Unni Ólafsdóttur (1897-1983), kirkjulistakonu, og gefinn kirkjunni 1971 – á altarisskápinn eru málaðar myndir af guðspjallamönnunum
Myndir á altarisskáp og prédikunarstól – mynd: Ívar Brynjólfsson
Kórloft prýtt stjörnum
Frá guðsþjónustu í Saurbæjarkirkju 16. júlí 2023 – sóknarpresturinn sr. Arna Grétarsdóttir fyrir altari. Í kirkjunni er helgihald tvisvar á ári, að sumri og um jól
Hurðarhringur Saurbæjarkirkju er úr kopar – gefinn kirkjunni 1687 – á honum er latnesk áletrun úr Síraksbók 4.28 sem hljóðar svo á íslensku: „Berstu fyrir sannleikanum allt til dauðans og þá mun Guð berjast fyrir þig.“
Horft yfir kirkjugarðinn frá kirkjudyrum í Saurbæ á Kjalarnesi
Saurbæjarkirkja er í Brautarholtssókn á Kjalarnesi, Reykjavík, í Reynivallaprestakalli, Kjalarnessprófastsdæmi.
Kirkju í Saurbæ á Kjalarnesi er getið í kirknaskrá Páls biskups Jónssonar frá því um 1200.
Saurbæjarsókn var sérstök sókn til ársins 2002 en þá var henni skipt milli Brautarholtssóknar og Reynivallasóknar.
Magnús Ólafsson (1847-1922), trésmiður, teiknaði Saurbæjarkirkju. Hafist var handa við að reisa hana árið 1902. Hún var vígð 1904 og er önnur steinsteypta kirkjan á Íslandi. Kirkjan ber sterkt svipmót af kirkjunni sem þar stóð á undan en sú fauk í ofviðri árið 1902. Hluti af innviðum og munum gömlu kirkjunnar (reist 1856) var nýttur í hina nýju kirkju. Það var kirkjubóndinn Eyjólfur Runólfsson (1847-1930) sem lét byggja kirkjuna.
Kirkjan var friðuð 1. janúar 1990 samkvæmt aldursákvæði 1. mgr. 36. gr. þjóðminjalaga nr. 88/1989.
Saurbæjarkirkja tekur um 120 manns í sæti.
Altaristaflan var gefin kirkjunni 1836. Það er mynd af Kristi. Höfundur hennar er ókunnur en til sögunnar hefur verið nefndur Sveinungi Sveinungason (1840-1915). Líklegast er taflan útlend eftirmynd en svipaðar altaristöflur eru í nokkrum kirkjum hér á landi eins og í Garðskirkju í Kelduhverfi, Einarsstaðakirkju og Þóroddsstaðakirkju.
Á altari Saurbæjarkirkju eru veglegir kertastjakar úr kopar sem Sigurður Björnsson (1643 – 1723), lögmaður, og kona hans, Ragnheiður Sigurðardóttir (1648-1727), gáfu kirkjunni 1696.
Kaleikur kirkjunnar ásamt patínu er frá 1697.
Kirkjuklukkur eru tvær, úr kopar, frá árinu 1725.
Heimild: Kirkjur Íslands, 12. bindi, Reykjavík 2008, bls. 275-304.
Allar myndir: Kirkjublaðið.is sé ekki annars getið
Horft frá kirkjudyrum til altaris
Altari Saurbæjarkirkju og prédikunarstóll frá 1856 – hvort tveggja úr gömlu kirkjunni sem fauk 1902
Mynd af Pétri postula á hurðarspjaldi prédikunarstólsins – var áður á eldri prédikunarstól frá 17. öld
Nærmynd af útskornu lespúlti (eða bókastól) ofan á prédikunarstól
Altaristafla Saurbæjarkirkju – ekki er vitað með öruggri vissu hver gerði hana. Stjakarnir á altarinu voru gefnir kirkjunni árið 1696 – þeir eru úr kopar
Kristsmynd á vegg sunnan altaris – var áður á prédikunarstól kirkjunnar
Orgel (harmóníum) kirkjunnar er gott hljóðfæri, þýskt og frá M. Hörügel
Sálmatafla, söngtafla, númeratafla Saurbæjarkirkju – frá 1857
Altarisklæði kirkjunnar kom í gömlu kirkjuna 1887 – altarisdúkur gerður af Unni Ólafsdóttur (1897-1983), kirkjulistakonu, og gefinn kirkjunni 1971 – á altarisskápinn eru málaðar myndir af guðspjallamönnunum
Myndir á altarisskáp og prédikunarstól – mynd: Ívar Brynjólfsson
Kórloft prýtt stjörnum
Frá guðsþjónustu í Saurbæjarkirkju 16. júlí 2023 – sóknarpresturinn sr. Arna Grétarsdóttir fyrir altari. Í kirkjunni er helgihald tvisvar á ári, að sumri og um jól
Hurðarhringur Saurbæjarkirkju er úr kopar – gefinn kirkjunni 1687 – á honum er latnesk áletrun úr Síraksbók 4.28 sem hljóðar svo á íslensku: „Berstu fyrir sannleikanum allt til dauðans og þá mun Guð berjast fyrir þig.“
Horft yfir kirkjugarðinn frá kirkjudyrum í Saurbæ á Kjalarnesi
