Strandarkirkja er í Þorlákshafnarprestakalli í Suðurprófastsdæmi.
Um kirkju er getið á Strönd í kirknatali Páls biskups Jónssonar frá því um 1200.
Strandarkirkja er við Engilsvík í Selvogi.
Kirkjan sem nú stendur var reist 1888 og er hún úr timbri. Sigurður Árnason (1851-?) snikkari frá Hlíð í Selvogi, sá um smíði kirkjunnar.
Kirkjan var lengd til vesturs 1967-1968 og var turninum breytt og henni gert til góða að innan. Breytingarnar hannaði Jörundur Pálsson (1913-1993), arkitekt hjá embætti Húsameistara ríkisins. Kirkjan var svo endurvígð í kjölfar þessara breytinga. Síðan var turni kirkjunnar og innri gerð hennar færð að mestu leyti aftur til fyrra horfs á árunum 1996 og 1998. Þær breytingar hannaði Samúel Örn Erlingsson arkitekt. Og aftur var kirkjan endurvígð vegna þessara breytinga.
Altaristafla kirkjunnar er eftirmynd af töflu Dómkirkjunnar í Reykjavík og gerð af Sigurði málara Guðmundssyni (1833-1874). Stærð töflunnar: 175 x 118 cm.
Kirkjan á kaleik frá 14. öld og annan frá 1940.
Pípuorgel kirkjunnar er 6 radda og af Walker-gerð, frá 1969. Gamla orgelið er frá 1898 og var gefið kirkjunni 1997.
Kirkjuklukkur eru tvær, frá 1646 og 1740.
Löngum hefur þótt gott að heita á Strandarkirkju. Ein af helgisögunum í kringum kirkjuna segir frá sjómönnum sem lentu í hafvillum. Hétu þeir að byggja kirkju þar sem þeir kynnu að ná landi. Birtist þeim í fjarska ljósengill fram undan stefni skipsins sem vísaði þeim leið í gegnum brimrótið og í Engilsvík. Skipið brotnaði á ströndinni en sjómennirnir björguðust. Þeir stóðu við heit sitt og kirkja reis við Engilsvíkina í Selvogi þar sem engillinn sást. Viðurinn úr skipinu var meðal annars notaður í kirkjubyggingu.
Norðvestan við kirkjuna er minnisvarði um kraftaverkið í Engilsvík og var hann reistur 1950. Gunnfríður Jónsdóttir (1889-1968), myndhöggvari, gerði listaverkið.
Horft inn að altari
Stílhrein sálmataflan er yfir gamla orgelinu
Á bekkjargöflum er mynd af dúfu, tákni hins helga anda
Í forkirkju er þetta málverk eftir Matthías Sigfússon (1904-1984), listmálara
Landsýn eftir Gunnfríði Jónsdóttur, myndhöggvara, listaverkið vísar til sögunnar um engilinn sem birtist við Engilsvík.
Á stöplinum eru þessar vísur sem eru eftir Gunnfríði:
Í bæn þeir lyftu huga hátt
þá háðu stríð við ægis mátt
en himinn rétti arm í átt
þar ýtar sáu land.Það skip úr dauðans djúpi rann
því drottins engill lýsa vann
svo býður hann við boða þann
og bát stýrir hjá.Greinargott söguskilti er við kirkjuna sem sett var upp í sumar
Strandarkirkja á vindasömum júnídegi 2024
Strandarkirkja er í Þorlákshafnarprestakalli í Suðurprófastsdæmi.
Um kirkju er getið á Strönd í kirknatali Páls biskups Jónssonar frá því um 1200.
Strandarkirkja er við Engilsvík í Selvogi.
Kirkjan sem nú stendur var reist 1888 og er hún úr timbri. Sigurður Árnason (1851-?) snikkari frá Hlíð í Selvogi, sá um smíði kirkjunnar.
Kirkjan var lengd til vesturs 1967-1968 og var turninum breytt og henni gert til góða að innan. Breytingarnar hannaði Jörundur Pálsson (1913-1993), arkitekt hjá embætti Húsameistara ríkisins. Kirkjan var svo endurvígð í kjölfar þessara breytinga. Síðan var turni kirkjunnar og innri gerð hennar færð að mestu leyti aftur til fyrra horfs á árunum 1996 og 1998. Þær breytingar hannaði Samúel Örn Erlingsson arkitekt. Og aftur var kirkjan endurvígð vegna þessara breytinga.
Altaristafla kirkjunnar er eftirmynd af töflu Dómkirkjunnar í Reykjavík og gerð af Sigurði málara Guðmundssyni (1833-1874). Stærð töflunnar: 175 x 118 cm.
Kirkjan á kaleik frá 14. öld og annan frá 1940.
Pípuorgel kirkjunnar er 6 radda og af Walker-gerð, frá 1969. Gamla orgelið er frá 1898 og var gefið kirkjunni 1997.
Kirkjuklukkur eru tvær, frá 1646 og 1740.
Löngum hefur þótt gott að heita á Strandarkirkju. Ein af helgisögunum í kringum kirkjuna segir frá sjómönnum sem lentu í hafvillum. Hétu þeir að byggja kirkju þar sem þeir kynnu að ná landi. Birtist þeim í fjarska ljósengill fram undan stefni skipsins sem vísaði þeim leið í gegnum brimrótið og í Engilsvík. Skipið brotnaði á ströndinni en sjómennirnir björguðust. Þeir stóðu við heit sitt og kirkja reis við Engilsvíkina í Selvogi þar sem engillinn sást. Viðurinn úr skipinu var meðal annars notaður í kirkjubyggingu.
Norðvestan við kirkjuna er minnisvarði um kraftaverkið í Engilsvík og var hann reistur 1950. Gunnfríður Jónsdóttir (1889-1968), myndhöggvari, gerði listaverkið.
Horft inn að altari
Stílhrein sálmataflan er yfir gamla orgelinu
Á bekkjargöflum er mynd af dúfu, tákni hins helga anda
Í forkirkju er þetta málverk eftir Matthías Sigfússon (1904-1984), listmálara
Landsýn eftir Gunnfríði Jónsdóttur, myndhöggvara, listaverkið vísar til sögunnar um engilinn sem birtist við Engilsvík.
Á stöplinum eru þessar vísur sem eru eftir Gunnfríði:
Í bæn þeir lyftu huga hátt
þá háðu stríð við ægis mátt
en himinn rétti arm í átt
þar ýtar sáu land.Það skip úr dauðans djúpi rann
því drottins engill lýsa vann
svo býður hann við boða þann
og bát stýrir hjá.Greinargott söguskilti er við kirkjuna sem sett var upp í sumar
Strandarkirkja á vindasömum júnídegi 2024
