Víkurkirkja, Vík í Mýrdal, er í Víkurprestakalli, Suðurprófastsdæmi.
Kirkjan var vígð 14. október 1934 en bygging hennar hófst 1931. Hún er steinsteypt hús og tekur um 160 manns í sæti.
Víkurkirkja er fyrsta kirkjan sem reist er í Vík í Mýrdal. Hún stendur á svonefndu Skeri við bæinn og er gott útsýni yfir til Reynisdranga.
Kirkjuna teiknaði Guðjóns Samúelsson (1887-1950), húsameistari ríkisins, Einar Erlendsson (1883-1968), húsameistari, áritaði teikninguna. Yfirsmiður var Matthias Einarsson (1904-1999) frá Þórisholti.
Altaristaflan í kirkjunni er eftirmynd sem Brynjólfur Þórðarson (1896-1938), listmálari, gerði af verki Carls H. Bloch (1834-1890), Kristur í Getsemanegarðinum (Grasgarðinum) frá 1878-1879. Olía á striga. Stærð: 108 x138 sm. Frummynd altaristöflunnar er í Sankti Hans kirkju í Óðinsvéum í Danmörku.
Í kirkjunni eru steindir gluggar eftir Hrafnhildi Ágústsdóttur, glerlistakonu.
Orgelið er smíðað af Katli Sigurjónssyni, frá Forsæti í Villingaholtshreppi.
Kaleikur, patína og oblátursskrín, komu úr aflagðri Höfðabrekkukirkju.
Víkurkirkja, Vík í Mýrdal, er í Víkurprestakalli, Suðurprófastsdæmi.
Kirkjan var vígð 14. október 1934 en bygging hennar hófst 1931. Hún er steinsteypt hús og tekur um 160 manns í sæti.
Víkurkirkja er fyrsta kirkjan sem reist er í Vík í Mýrdal. Hún stendur á svonefndu Skeri við bæinn og er gott útsýni yfir til Reynisdranga.
Kirkjuna teiknaði Guðjóns Samúelsson (1887-1950), húsameistari ríkisins, Einar Erlendsson (1883-1968), húsameistari, áritaði teikninguna. Yfirsmiður var Matthias Einarsson (1904-1999) frá Þórisholti.
Altaristaflan í kirkjunni er eftirmynd sem Brynjólfur Þórðarson (1896-1938), listmálari, gerði af verki Carls H. Bloch (1834-1890), Kristur í Getsemanegarðinum (Grasgarðinum) frá 1878-1879. Olía á striga. Stærð: 108 x138 sm. Frummynd altaristöflunnar er í Sankti Hans kirkju í Óðinsvéum í Danmörku.
Í kirkjunni eru steindir gluggar eftir Hrafnhildi Ágústsdóttur, glerlistakonu.
Orgelið er smíðað af Katli Sigurjónssyni, frá Forsæti í Villingaholtshreppi.
Kaleikur, patína og oblátursskrín, komu úr aflagðri Höfðabrekkukirkju.