Í fyrradag fór í loftið ný heimasíða þjóðkirkjunnar. Það er ekki ástæða til annars en að færa fram hamingjuóskir eftir að hinni langþráðu uppfærslu á heimasíðunni lauk. Heimasíður eru afar mikilvægar í nútímanum þar sem þær eru samskiptaleiðir milli stofnana og fólks. Heimasíða er á vissan hátt andlit viðkomandi stofnunar og því brýnt að vel takist til með hönnun þeirra og efni.
Gamla merki þjóðkirkjunnar
Kannski sætir mestum tíðindum að komið er nýtt merki fyrir þjóðkirkjuna, kross í nokkrum litum, í stað hins fyrra merkis sem sr. Karl Sigurbjörnsson (1947-2024), biskup, átti hugmyndina að og út frá henni hannaði einn fremsti merkjahönnuður landsins, Jóna Sigríður Þorleifsdóttir (f. 1950), grafískur hönnuður, merkið. Gamla merkið var kynnt á prestastefnu 1999 og síðan samþykkt af kirkjuþingi 2003. Merkið er bjart yfirlitum og lifandi og felur í sér tákn. Það eru vissulega ætíð mikil tímamót þegar fyrirtæki og stofnanir skipta út merki (lógói) sínu og það er ekki gert nema að undangenginni umræðu á öllum póstum kirkjunnar sem Kirkjublaðið.is gerir ráð fyrir að hafi farið fram. Svo væri gaman að fá upplýsingar um hver hafi hannað hið nýja merki þjóðkirkjunnar.
Ein útgáfa af nokkrum á merki þjóðkirkjunnar
Nýja merki kirkjunnar er latneskur kross og settur fram í svörtum lit, hvítum, ljósbláum, grænleitum og gullnum ýmist á bleikum grunni, mosagrænum, hvítum, fjólubláum, ljósbláum, brúnum og bleikum. Einhver kann að spyrja hvers vegna ekki hafi verið stuðst við liti kirkjuársins í þessu sambandi.
Á forsíðunni er krossinn svartur og á hreyfingu og hlaðast upp í hann ýmis tákn sem lesa má um á síðunni. Þar er einnig að finna þá nýjung að hver og einn getur sett saman sinn eigin kross úr ákveðnum táknum sem eru gefin upp og standa fyrir til dæmis auðmýkt, þakklæti, góðvild o.s.frv. Fyrirsögn þessa kafla á síðunni er Ég trúi á minn hátt og eiga gildistáknin væntanlega að endurspegla trú viðkomandi. Nefnt er að hægt sé að deila krossinum með gildum sínum og kann það að vera mörgum kappsmál í nútímanum að láta aðra vita hvaða dygðir prýða hvern og einn.
Eins og góðri heimasíðu sæmir er að finna margar gagnlegar upplýsingar um þjóðkirkjuna og viðamikið starf hennar víðast hvar um land. Góðar upplýsingar eru um alla launaða starfsmenn þjóðkirkjunnar og auk þess fylgir mynd af þeim. Prestar og djáknar eru á myndunum langflestir í sínum einkennisklæðum (skyrta með hvítum hálsflipa) til að undirstrika starf sitt og einingu kirkjunnar.
Greint er frá hlutverki þjóðkirkjunnar og farið yfir grundvallarþætti kristinnar trúar og er það kjarngóður trúfræðilegur texti og getur verið mótvægi við þá frjálslyndu hugsun sem birtist í setningunni Ég trúi á minn hátt. Þá er fjallað um allar athafnir sem vígðir starfsmenn kirkjunnar koma að eins og skírn, fermingu, hjónavígslu, útför og almennt helgihald.
Grunneining þjóðkirkjunnar er sóknin. Því skal skotið að ritstjóra heimasíðunnar að koma fyrir á heimasíðunni upplýsingum um sóknarnefndarformenn og jafnvel sóknarnefndarfólk sem er allt í sjálfboðavinnu og sinnir mikilvægu hlutverki í grasrót kirkjunnar, sókninni.
Nýja sálmabókin er náttúrlega á sínum stað, rafræn. Þá væri ekki verra að hafa tengil á nýju Biblíuna eða Biblíufélagið.
Starf þjóðkirkjunnar er fjölbreytt víða um land. Þá geta söfnuðir sett inn auglýsingar á nýju heimasíðuna í gegnum svokallað viðburðadagatal og fólk fylgst þannig með því sem fram fer í kirkjum landsins. Það er mjög svo til bóta og eftir slíku hefur lengi verið kallað.
Sagt er frá kirkjum landsins í stuttu máli sem er mjög gott og þarft. Þar getur hver slegið til dæmis inn nafn sóknarkirkju sinnar og fengið helstu upplýsingar um hana. Mynd fylgir. Hins vegar hefði þurft að prófarkalesa textann betur því víða er að finna villur og sums staðar gætir ósamræmis. Upplagt er að renna textanum í gegnum leiðréttingarforrit eins og skrambi.is eða malfridur.is.
Heimasíðan er enn í vinnslu eins og sést þegar hún er skoðuð og á eftir að setja sitthvað inn á hana og vonandi verður gengið frá því sem fyrst því að varasamt getur verið að láta slíkt dragast.
Síðar gefst kannski tími til að ræða hvers konar kirkju heimasíðan endurspeglar. Það kunna að vera skiptar skoðanir á því. Kirkjublaðið.is hvetur lesendur sína til að skiptast á skoðunum um það og blaðið stendur öllum opið. Skoðanaskipti eru gagnleg og eðlileg.
En aftur: Til hamingju með þessa nýju heimasíðu þjóðkirkjunnar sem er mikil prýði.
Hér er tengill á heimasíðu þjóðkirkjunnar, kirkjan.is – sjón er sögu ríkari!
Í fyrradag fór í loftið ný heimasíða þjóðkirkjunnar. Það er ekki ástæða til annars en að færa fram hamingjuóskir eftir að hinni langþráðu uppfærslu á heimasíðunni lauk. Heimasíður eru afar mikilvægar í nútímanum þar sem þær eru samskiptaleiðir milli stofnana og fólks. Heimasíða er á vissan hátt andlit viðkomandi stofnunar og því brýnt að vel takist til með hönnun þeirra og efni.
Gamla merki þjóðkirkjunnar
Kannski sætir mestum tíðindum að komið er nýtt merki fyrir þjóðkirkjuna, kross í nokkrum litum, í stað hins fyrra merkis sem sr. Karl Sigurbjörnsson (1947-2024), biskup, átti hugmyndina að og út frá henni hannaði einn fremsti merkjahönnuður landsins, Jóna Sigríður Þorleifsdóttir (f. 1950), grafískur hönnuður, merkið. Gamla merkið var kynnt á prestastefnu 1999 og síðan samþykkt af kirkjuþingi 2003. Merkið er bjart yfirlitum og lifandi og felur í sér tákn. Það eru vissulega ætíð mikil tímamót þegar fyrirtæki og stofnanir skipta út merki (lógói) sínu og það er ekki gert nema að undangenginni umræðu á öllum póstum kirkjunnar sem Kirkjublaðið.is gerir ráð fyrir að hafi farið fram. Svo væri gaman að fá upplýsingar um hver hafi hannað hið nýja merki þjóðkirkjunnar.
Ein útgáfa af nokkrum á merki þjóðkirkjunnar
Nýja merki kirkjunnar er latneskur kross og settur fram í svörtum lit, hvítum, ljósbláum, grænleitum og gullnum ýmist á bleikum grunni, mosagrænum, hvítum, fjólubláum, ljósbláum, brúnum og bleikum. Einhver kann að spyrja hvers vegna ekki hafi verið stuðst við liti kirkjuársins í þessu sambandi.
Á forsíðunni er krossinn svartur og á hreyfingu og hlaðast upp í hann ýmis tákn sem lesa má um á síðunni. Þar er einnig að finna þá nýjung að hver og einn getur sett saman sinn eigin kross úr ákveðnum táknum sem eru gefin upp og standa fyrir til dæmis auðmýkt, þakklæti, góðvild o.s.frv. Fyrirsögn þessa kafla á síðunni er Ég trúi á minn hátt og eiga gildistáknin væntanlega að endurspegla trú viðkomandi. Nefnt er að hægt sé að deila krossinum með gildum sínum og kann það að vera mörgum kappsmál í nútímanum að láta aðra vita hvaða dygðir prýða hvern og einn.
Eins og góðri heimasíðu sæmir er að finna margar gagnlegar upplýsingar um þjóðkirkjuna og viðamikið starf hennar víðast hvar um land. Góðar upplýsingar eru um alla launaða starfsmenn þjóðkirkjunnar og auk þess fylgir mynd af þeim. Prestar og djáknar eru á myndunum langflestir í sínum einkennisklæðum (skyrta með hvítum hálsflipa) til að undirstrika starf sitt og einingu kirkjunnar.
Greint er frá hlutverki þjóðkirkjunnar og farið yfir grundvallarþætti kristinnar trúar og er það kjarngóður trúfræðilegur texti og getur verið mótvægi við þá frjálslyndu hugsun sem birtist í setningunni Ég trúi á minn hátt. Þá er fjallað um allar athafnir sem vígðir starfsmenn kirkjunnar koma að eins og skírn, fermingu, hjónavígslu, útför og almennt helgihald.
Grunneining þjóðkirkjunnar er sóknin. Því skal skotið að ritstjóra heimasíðunnar að koma fyrir á heimasíðunni upplýsingum um sóknarnefndarformenn og jafnvel sóknarnefndarfólk sem er allt í sjálfboðavinnu og sinnir mikilvægu hlutverki í grasrót kirkjunnar, sókninni.
Nýja sálmabókin er náttúrlega á sínum stað, rafræn. Þá væri ekki verra að hafa tengil á nýju Biblíuna eða Biblíufélagið.
Starf þjóðkirkjunnar er fjölbreytt víða um land. Þá geta söfnuðir sett inn auglýsingar á nýju heimasíðuna í gegnum svokallað viðburðadagatal og fólk fylgst þannig með því sem fram fer í kirkjum landsins. Það er mjög svo til bóta og eftir slíku hefur lengi verið kallað.
Sagt er frá kirkjum landsins í stuttu máli sem er mjög gott og þarft. Þar getur hver slegið til dæmis inn nafn sóknarkirkju sinnar og fengið helstu upplýsingar um hana. Mynd fylgir. Hins vegar hefði þurft að prófarkalesa textann betur því víða er að finna villur og sums staðar gætir ósamræmis. Upplagt er að renna textanum í gegnum leiðréttingarforrit eins og skrambi.is eða malfridur.is.
Heimasíðan er enn í vinnslu eins og sést þegar hún er skoðuð og á eftir að setja sitthvað inn á hana og vonandi verður gengið frá því sem fyrst því að varasamt getur verið að láta slíkt dragast.
Síðar gefst kannski tími til að ræða hvers konar kirkju heimasíðan endurspeglar. Það kunna að vera skiptar skoðanir á því. Kirkjublaðið.is hvetur lesendur sína til að skiptast á skoðunum um það og blaðið stendur öllum opið. Skoðanaskipti eru gagnleg og eðlileg.
En aftur: Til hamingju með þessa nýju heimasíðu þjóðkirkjunnar sem er mikil prýði.
Hér er tengill á heimasíðu þjóðkirkjunnar, kirkjan.is – sjón er sögu ríkari!
