Á morgun, fyrsta sunnudag í aðventu, opnast fyrsti gluggi hins kunna jóladagatals og það er almennt kirkjufólk sem birtist í hverjum glugga dagana fyrir jól. Í þeim hópi má finna sóknarnefndarfólk, eldri borgara, kirkjuhaldara, kirkjuverði, sjálfboðaliða af ýmsum sviðum, leiðbeinendur úr sunnudagaskóla, kennarar og bensínsölustarfsmenn – þannig mætti lengi telja. Þverskurður af þjóðkirkjunni því að kirkjan er fólkið í landinu.
Yfirskrift jóladagatalsins í ár er: Við kveikjum einu kerti á. Þann sálm kunna flestir, ef ekki allir.
Þegar glugga jóladagatalsins er lokið upp birtist myndband þar sem leikmaður úr þjóðkirkjunni stígur fram og flytur einnar mínútu örhugleiðingu sem tengist aðventu og boðskap jólanna. Í ljós kemur að það er hægt að koma ótrúlega mikilvægum og góðum boðskap á framfæri á einni mínútu!
Þetta er í sjötta sinn sem Jóladagatalinu er ýtt úr vör. Auk Kjalarnessprófastsdæmis taka þátt í því Eyjafjarðar- og Þingeyjarprófastsdæmi og Reykjavíkurprófastsdæmi vestra. Sem sé samvalið lið! Mælingar frá fyrri árum sýna að það er ótrúlega margt fólk sem fylgist með jóladagatalinu og þar sem meðbyr blæs nú í segl þjóðkirkjunnar er aldrei að vita nema fyrri áhorfsmet verði slegin.
Jóladagatalið er dæmi um vel heppnaða hugmynd og opnar marga glugga til öflugs kirkjustarfs, þjóðkirkjufólk með alls konar bakgrunn er í forgrunni og hefur margt gott að segja á einni mínútu.
Nú er bara að fylgjast með Jóladagatalinu og hlusta vel á hvað er sagt og taka þau orð með sér út í dagsins iðu og annir. Svo má auðvitað deila Jóladagatalinu út um allar trissur og bera þannig út fagnaðarerindið með nútímalegum aðferðum og vera ekki eftirbátur fyrri kynslóða sem höfðu ekki snjalltækin þó að þau væru snjöll á sinn hátt.
Sem sagt:
Á morgun, 30. nóvember,
fyrsta sunnudag í aðventu,
fer Jóladagatal kirkjunnar í loftið af fullum krafti!Jóladagatal kirkjunnar 2025.
Á morgun, fyrsta sunnudag í aðventu, opnast fyrsti gluggi hins kunna jóladagatals og það er almennt kirkjufólk sem birtist í hverjum glugga dagana fyrir jól. Í þeim hópi má finna sóknarnefndarfólk, eldri borgara, kirkjuhaldara, kirkjuverði, sjálfboðaliða af ýmsum sviðum, leiðbeinendur úr sunnudagaskóla, kennarar og bensínsölustarfsmenn – þannig mætti lengi telja. Þverskurður af þjóðkirkjunni því að kirkjan er fólkið í landinu.
Yfirskrift jóladagatalsins í ár er: Við kveikjum einu kerti á. Þann sálm kunna flestir, ef ekki allir.
Þegar glugga jóladagatalsins er lokið upp birtist myndband þar sem leikmaður úr þjóðkirkjunni stígur fram og flytur einnar mínútu örhugleiðingu sem tengist aðventu og boðskap jólanna. Í ljós kemur að það er hægt að koma ótrúlega mikilvægum og góðum boðskap á framfæri á einni mínútu!
Þetta er í sjötta sinn sem Jóladagatalinu er ýtt úr vör. Auk Kjalarnessprófastsdæmis taka þátt í því Eyjafjarðar- og Þingeyjarprófastsdæmi og Reykjavíkurprófastsdæmi vestra. Sem sé samvalið lið! Mælingar frá fyrri árum sýna að það er ótrúlega margt fólk sem fylgist með jóladagatalinu og þar sem meðbyr blæs nú í segl þjóðkirkjunnar er aldrei að vita nema fyrri áhorfsmet verði slegin.
Jóladagatalið er dæmi um vel heppnaða hugmynd og opnar marga glugga til öflugs kirkjustarfs, þjóðkirkjufólk með alls konar bakgrunn er í forgrunni og hefur margt gott að segja á einni mínútu.
Nú er bara að fylgjast með Jóladagatalinu og hlusta vel á hvað er sagt og taka þau orð með sér út í dagsins iðu og annir. Svo má auðvitað deila Jóladagatalinu út um allar trissur og bera þannig út fagnaðarerindið með nútímalegum aðferðum og vera ekki eftirbátur fyrri kynslóða sem höfðu ekki snjalltækin þó að þau væru snjöll á sinn hátt.
Sem sagt:
Á morgun, 30. nóvember,
fyrsta sunnudag í aðventu,
fer Jóladagatal kirkjunnar í loftið af fullum krafti!Jóladagatal kirkjunnar 2025.
