Sóknarnefndir eru ekki í sjálfu sér gamalt fyrirbæri en þær urðu til með lögum frá 1880. Þarflaust er að taka fram að sóknarnefndir gegna mikilvægu hlutverki í sóknum vítt og breitt um landið en þær eru á þriðja hundrað.
Starf í sóknarnefnd hefur jafnan verið talið vera borgaraleg skylda og engin þóknun greidd sérstaklega fyrir hana.
Sjálfboðamennska hefur löngum verið mikils metin á kirkjulegum vettvangi. Kannski er hún á undanhaldi.
Hallgrímskirkja í Reykjavík hefur mikla sérstöðu innan þjóðkirkjunnar. Í raun og veru er hún höfuðkirkja landsins sakir stærðar sinnar og staðsetningar. Hún er ekki aðeins safnaðarkirkja heldur borgartákn, listabygging með aðdráttarafl sem tugþúsundir ferðamanna dragast að. Já, mest ljósmyndaða hús á Íslandi.
Augljóst er að sóknarnefnd sem er með slíkt kirkjuhús býr við aðrar aðstæður en langflestar sóknarnefndir um landið. Hún er nefnilega ekki aðeins með guðshús safnaðarins á herðum sínum heldur í raun og veru líka með stórt fyrirtæki.
Kirkjublaðið.is rak augun í auglýsingu í Morgunblaðinu í gær um aðalsafnaðarfund Hallgrímssóknar í Reykjavík. Í henni er meðal annars getið tillögu um að greidd verði þóknun fyrir setu í sóknarnefnd.
Á aðalsafnaðarfundinum verða lagðar fram tillögur frá rekstrarhagfræðingi um skipan reksturs kirkjunnar sem hafa það markmið „að auka festu og marksækni í stjórnun vegna sívaxandi umsvifa og anna í kirkjustarfi, framkvæmdum og ferðaþjónustu.“
Hér má lesa nánar um tillögurnar sem lagðar verða fyrir aðalsafnaðarfundinn.
Sennilega eru það nokkuð kirkjuleg tímamót þegar farið er að greiða þóknun fyrir setu í sóknarnefnd. Nú, það kann svo sem að hafa farið fram hjá Kirkjublaðinu.is að aðrar sóknir hafi gripið til þess ráðs að greiða sóknarnefndarmönnum þóknun fyrir setu í sóknarnefnd og fyrrgreind tímamót því fyrr á ferðinni en vitað var.
Auglýsing í Morgunblaðinu 21. maí 2026 – skjáskot: Kirkjublaðið.is
Sóknarnefndir eru ekki í sjálfu sér gamalt fyrirbæri en þær urðu til með lögum frá 1880. Þarflaust er að taka fram að sóknarnefndir gegna mikilvægu hlutverki í sóknum vítt og breitt um landið en þær eru á þriðja hundrað.
Starf í sóknarnefnd hefur jafnan verið talið vera borgaraleg skylda og engin þóknun greidd sérstaklega fyrir hana.
Sjálfboðamennska hefur löngum verið mikils metin á kirkjulegum vettvangi. Kannski er hún á undanhaldi.
Hallgrímskirkja í Reykjavík hefur mikla sérstöðu innan þjóðkirkjunnar. Í raun og veru er hún höfuðkirkja landsins sakir stærðar sinnar og staðsetningar. Hún er ekki aðeins safnaðarkirkja heldur borgartákn, listabygging með aðdráttarafl sem tugþúsundir ferðamanna dragast að. Já, mest ljósmyndaða hús á Íslandi.
Augljóst er að sóknarnefnd sem er með slíkt kirkjuhús býr við aðrar aðstæður en langflestar sóknarnefndir um landið. Hún er nefnilega ekki aðeins með guðshús safnaðarins á herðum sínum heldur í raun og veru líka með stórt fyrirtæki.
Kirkjublaðið.is rak augun í auglýsingu í Morgunblaðinu í gær um aðalsafnaðarfund Hallgrímssóknar í Reykjavík. Í henni er meðal annars getið tillögu um að greidd verði þóknun fyrir setu í sóknarnefnd.
Á aðalsafnaðarfundinum verða lagðar fram tillögur frá rekstrarhagfræðingi um skipan reksturs kirkjunnar sem hafa það markmið „að auka festu og marksækni í stjórnun vegna sívaxandi umsvifa og anna í kirkjustarfi, framkvæmdum og ferðaþjónustu.“
Hér má lesa nánar um tillögurnar sem lagðar verða fyrir aðalsafnaðarfundinn.
Sennilega eru það nokkuð kirkjuleg tímamót þegar farið er að greiða þóknun fyrir setu í sóknarnefnd. Nú, það kann svo sem að hafa farið fram hjá Kirkjublaðinu.is að aðrar sóknir hafi gripið til þess ráðs að greiða sóknarnefndarmönnum þóknun fyrir setu í sóknarnefnd og fyrrgreind tímamót því fyrr á ferðinni en vitað var.
Auglýsing í Morgunblaðinu 21. maí 2026 – skjáskot: Kirkjublaðið.is
Eigandi, ritstjóri og ábyrgðarmaður: